High poly Begins

Low Poly Model

Chalpu:

Phat man kathep lou jeh in Low Poly model concept tun kachia beb min ahi..

Anoi a um hi ahi.

hangsan chalpu happan nin..

Work on Progress

Chalpu The Autobots:

Anoi a 3d model hi tupep pet a kanatoh che lhah leh blocking stage kapah na kahin vet sah ahi.
Ama hi sem be ding jong aum nalai yin. Natoh akim jong kapha lou lai ahi.

 Shaktimaan Truck:

Anoi a lim hi ka Shatimaan truck model ahin, amajong hi semchai lou lai ahin. Ahhivang in alim hi shatimaan truck toh alou dom tan, sem be ding jong phabep pi akivat nalai ye.

Hicheng hi tu tadi ding in kanatoh kapha na ahin, akidam nah le aban ban jong kahin post nalai ding ahi.

Kipa aum me, Kana toh chaldan nei hin vet peh. :)

Nagel dan comment tei tei yin. Sopi. 

Concepts

Shaktiman Truck:

Shaktiman Truck

Hiche Shaktiman truck hi Eimi te lah a kum ejat pi leh tuchan a kimang jing, son um tah truck khat ahi. Thinglhan mi eiho ding in haphat in ephat chompi uvin ahi. Ama hi thinlhang kal jong ahat nin, Bim (Log/Trunk) poh jong ahat nin ahi.
Tun hiche truck Shatimaan hi, eiho ding in gah seilet na ding in apang in, kagah ngaito to leh, amahi alim chet 3d model kisem hen lang, robot in ki transform leh nal ding ahi, tin kahin gel doh tan ahi.
Chuti ding ahileh Robot concept ding angai tan, photoshop a alim kasem sem in ahi leh, anoi a lim tobang hiding in kaki gel lhan ahi.

Robot Concept:

Digital Painting  Photoshop,
Hiche robot hi Shaktimaan truck akon a hung kisoh doh ding ahi.
Alim chet hi final 3d model to kikhe jep ding ahi.

Tuhin Robot hi amin kasah in "Chalpu" tin akmin lon ahi. Hehe!
Ama hitutun vang 3d model akichai nai pon ahi (thildang toh kakop jeh in). Shaktiman model jong akichai jep hilai yin ahi.
Akidam pou leh hiche project hi che lah jom nantin, Aban ban thil gon ho jong hi ki upload be ding in pang jing nang kate.

Ka project hi epiti nagel uvem? Epi kei ding a pha chom ding hati..sei nom nanei ule..
Coments ah bol uvin.
Thanks for reading!

Thadou Kuki Transformer Project

What's the Project About:

Thadou Kuki Chate lah a, 3d Animation and Visual Effect lampang a machalna ahilouleh khatouna vet sah na a kipan doh tilgon ahi.

Eimi te lah a Film Making, 3d Animation, Visual Effects kiti ho proffesonal tah asim le aum kitam hih jong leh, alung lut a sim cheng hon," Emite Kuki chaten jong ebolthei uve" tia vet sah na kigong lo ahi.

Tu khang a Films, Movie hohi akivet leh, computer boltheina 3d Animation, 3d CG, Visual effects shots jou louna aum beh seh tapon. Computer a kisem CG (Computer Graphic) ho jong atah tah to kilouvin aki sem doh thei tan ahi.